 |
| SAKADANG PEUCANG JEUNG BADAK |
Dongeng Sunda Sakadang Peucang Jeung Badak
Sato-sato di hiji leuweung sarusah sabab
jukut-jukut hakaneunana beak ku badak. Ku sabab kitu dina hiji waktu kabeh
sato-sato ngarumpul ngabadamikeun.
Peucang ge harita aya malah milu sedih ku
kurangna jukut sabab beakeun ku badak tea.
'Cing kumaha atuh akalna Sakadang Peucang ? Da sampean mah najan leutik ge loba akal ceuk uncal.
Tembal
peucang,Ari akal mah aya wae. Ngan upama badak nepi ka paehna saha nu tanggung
jawab...?
Nya urang sararea...! ceuk kabeh sato nu araya didinya.
'Ari nu kudu dipaehan teh eta badak jalu nu
panggedena. Sabab eta nu pangjahatna. Jukut-jukut hakaneun. Urang oge ku badak
eta mah ditincakan. mani teu inget pisan ku urang sato leutik teh,'ceuk mencek
bari cumalimba.
Geus putus babadamian,peucang neangan badak rek diajak nyiar hakaneun di pasir. Sanggeus kapanggih badak jalu nu panggedena tea diajak ka pasir. Kabeneran daekeun deuih. Sapopoe peucang jeung badak nyaratuan didinya nepi ka reupna peuting. Peucang ngajak badak sare di dinya. PEucang sare disisi lampingna badak beulah tonggohna. Ngan sanggeus badak tibra sare peucang pindah ka beulah tonggoh.
Kira-kira tabuh dua peuting,keur meujeuhna tiris,peucang noelan badak,cenah,'Sakadang Badak ...! Sakadang badak ... ! Beh ditu sare teh ulah nyeredkeun ka kaula bisi tiguling ... !
Bari rada ngalindur badak ngeser saeutik. Teu nyahoeun manehna mah yen ngeser teh ka beulah lamping. Peucang ngomongna kitu ka badak sababaraha kali. Sarata unggal dititah ngeser,badak teu hararese red ngageser.
Mun di lembur mah kira-kira kongkorongok hayam
dua kali, peucang nitah ngageser deui. Padahal harita badak geus dina sisi gawir
pisan. Naha atuh barang sed ngeser,gurampel badak tiguling kana jungkrang
puluh-puluh meter nepi ka paehna.
Isukna bangke badak pada ngadeugdeug. Ceuk ieu euleuh ceuk ieu euleuh. Teu aya nu wani terus terang mah yen paehna badak ku pagawean peucang. Ngan waktu meong ngomong ka peucang supaya anak badak dipaehan meungpeung dagingna hipu keneh,peucang gideug bari ngaleos majar teh,'kaula mah daek soteh maehan sato jahat. Ari anak badak nu teu tuah teu dosa mah embung....!
KUMPULAN BOBODORAN SUNDA klik nu ieu ...
KUMPULAN DONGENG SUNDA SI KABAYAN klik nu ieu ...
No comments:
Post a Comment
Note: only a member of this blog may post a comment.