Buku Taman Pamekar I Imahna Aman




Buku Taman Pamekar I
TAMAN PAMEKAR JILID I




.
                         

  
Buku Taman Pamekar I
IMAHNA AMAN - TAMAN PAMEKAR JILID I

                       
Imah Aman sisi jalan,katembongna raresik naker.
Bilikna dikapur,jandela-jandelana jeung panto-pantona di cet hejo,tepasna dikacaan.
Diburuanana aya bunderan,pinuh kurupa-rupa kekembangan nu keur meujeuhna mangkak : aya eros,daliah,herbras jeung malati susun. Kembang sedep malem oge aya di sisi pager.

 Isuk-isuk samemeh indit ka sakola,Isah sok bebeeresih jeung beberes heula.
Mimiti tengah imahna disapuan,terus tepas hareupna.
Enggonna oge tara kendat disapuan jeung diberesan deuih.
Nya kitu deui paparobatan:korsi,meja,lomari jeung bupet teu aya nu kaliwat,diserebetan nepi ka harerang.

 Nempatkeunana parabot imah estu beres jeung merenah,matak betah anu nyemah.
Aman oge sok mantun sasapu di buruan. Runtahna dikeduk,tuluy dipiceun kana lombang.
Kamar hareup sok dipake ngapalkeun ku Isah,da ngarah jongjon cenah,kawantu Isah mah geus kelas 6,ngapalkeunana kudu leuwih getol,diajarna leuwih enyaan,ambeh lulus ujian ka sakola lanjutan.

 Ditukangeun imahna aya balong,dipelakan rupa-rupa lauk, aya: lauk emas,tawes,mujaer,nilem jeung gurame.
Aman jeung adina sok ngaruseup di dinya.
Tambakanana dipelakan kacang panjang,diturusan ku regang awi haur. Buahna laleubeut jeung paranjang mani ngagarebay.
Lain ngan kacang jeung paria-belut bae nu dipelak di dinya teh,taleus bogor oge aya.
Daunna keur parab gurame,ngarah tereh galede cenah.
Matak betah nya,cicing di imah Aman mah ...!!!

 Tina:Buku Taman Pamekar ka I bacaan kelas 3 Sakola  Dasar.
     


DIJUAL BUKU-BUKU KUNO / LAMA ... !!!

Labels:

4 comments:

  1. obetz1 January 2014 at 23:51

    hatur nuhun a,,cik upami kaleresan aya mah, abdi gaduh pamundut upami disadur carita tina Taman Pamekar Basa nu Judulna Ka Ujung Kulon (i) jeung (II), Belapati sareng carita Paninggaran jeung Mencek, eta dongeng teh meni nyerep pisan kana manah, mung hanjakal sim abdi teu kantos ngagaduhan eta Buku teh.

    ReplyDelete
  2. .... !!!2 January 2014 at 03:54

    Paninggaran jeung Japati taman pamekar jilid V anu ka jilid ka l... kaleresan aya ... di antos weh kang... nuhun

    ReplyDelete
  3. Kandi Dahlan14 July 2014 at 21:06

    assalamu'alaikum wrwb, hatur nuhun pisan -- upami tiasa, hoyong ningali deui bukuna .. asa ku waas pisan, kapungkur basa SD di SDN Merdeka V ngangge buku eta. Mani raresep kana carita-caritana. Aya anu caritana Aman ngalih ka Bandung. Ayeuna mah tos sesah milarian buku eta. Mangga, salam kenal .. (Ibu Kandi Dahlan)

    ReplyDelete
  4. bungazet20 October 2014 at 22:33

    abdi mah rindu cerita si dirun palid tea, dina taman pamekar jilid sabaraha nyah? sok atu diupload cariosana. diantos pisan....

    ReplyDelete

Note: only a member of this blog may post a comment.