Sastra Sunda " Kakawihan "

SASTRA SUNDA KAKAWIHAN

Wangenan.
Kakawihan asalna kecap tina kawih,hartina lagu. Ieu kabinangkitan teh kaasup sastra buhun,gelarna dina sastra Sunda mengrupa sastra sampakan. Tapi najan kitu,kakawihan teh lain bogana urang Sunda wae,unggal seler bangsa oge ngabogaan kabinangkitan kakawihan sewang-sewangan.

Kakawihan teh kaasupa sastra lisan. Ngeunaan sumebarna tatalepa sacara turun-tumurun di lingkungan masarakat. Ku sabab kitu,kakawihan mindeng disebut sastra balarea,kusabab geus milik sakumna masarakat.

Papasingan Kawih.
Nurutkeun kalungguhan,kakawihan teh bisa dipasing-pasing jadi dua golongan,nya eta kakawihan kaulinan jeung kakawihan pikeun digawe.

Kakawihan Pikeun Kaulinan.
Umumna kakawihan pikeun kaulinan sumebar di lingkungan barudak. Biasana mun barudak kumpul leuwih ti saurang,sok terus arulin bari kakawihan. Di handap aya sababaraha contona.

"TRANGTRANGKOLENTRANG"

Trangtrangkolentrang

Si Londok paeh nundutan

Tikusruk kana durukan 

Mesat gobang kabuyutan 

(dikawihkeun sababaraha balik bari ngadagoan hujan raat).

"ORAY-ORAYAN"

Oray-orayan

Oray naon?

Orang bunka

Bunga naon?

Bungka laut

Laut naon?

Laut dipa

Dipa naon?

Dipandeuri

Ri ... ri ... ri ... ri ... ri ...

(dikawihkeun bari pacekel-cekel tungtung baju,tuluy ngaleor nurutan oray).

"EUNDEUK-EUNDEUKAN"

Eundeuk-eundeukan lagondi

Meunang peuang sahiji

Leupas deui ku nini

Beunang deui ku aki.

(Dikawihkeun sababaraha balik bari eundeuk-eundeukan dina dahan kai).

"UCANG ANGGE"

Ucang-ucang angge 
Mulung munang di parangge

Digogog ku anjing gede

Anjing gede nu Mang Lebe

Anjing leutik nu Ki Santri

Ari gog,gog cungungung.

(Dikawihkeun bari diuk.Suku anu ngawihna ditumpakan ku budak,terus diucang-ucang).

Kakawihan Pikeun Digawe.
Nu dimaksud kakawihan pikeun digawe nya eta kakawihan anu dikawihkeun dina mangsa keur migawe hiji pagawean.
Ari maksudna,di antara wae supayaa pagawean anu keur dipigawe teh karasa hampang. Dihandap aya conto kakawihan anu dikawihkeun dina mangsa keur tunggu pare di sawah.

"NGAGEBAHAN MANUK"

Sieuh ! Sieuh !

Manuk ka ditu ka dayeuh

di dieu sagala euweuh

Sia moal bisa seubeuh

da aya anu ngageugeuh

Sieuh ! Sieuh !

Manuk ulah arek ganggu

bisi nyorang kana anggang

di dieu aya pangilang

Sieuh ! Sieuh !

Manuk ulah arek ganggu

da aing anu keur tunggu

KUMPULAN BOBODORAN SUNDA klik nu ieu ...
KUMPULAN DONGENG SUNDA SI KABAYAN klik nu ieu ...

DIJUAL BUKU-BUKU KUNO / LAMA ... !!!

---

---