 |
| Yus Rusyana |
Lahir di Pameungpeuk Garut tahun 1938.
Sanggeus namatkeun Sakola Dasar di lemburna (1946-1952), nuluykeun ka Sakola Guru B. Negeri di Garut (1952-1955), Sakola guru A Negeri di Bandung (1955-1958),jeung Fakultas Keguruan Sastra & Seni IKIP Bandung (1958-1964),tepi ka meunang gelar Sarjana Pendidikan.Dina taun 1971-1978 studi di Universitas Leiden,Nederland,dina program "Post Graduate Training in the Study of Indonesia Languages and Phililology."Ti dinya tuluy nyusun disertasi,sarta dina tanggal 5 Juli 1975 nempuh promosi di Fakultas Sastra Universitas Indonesia, Jakarta,ngahontal gelar Doktor Elmu-elmu Sastra hususna Elmu Languistik.
Cekel gawe di Fakultas Pendidikan Bahasa jeung Seni IKIP Bandung,ti taun 1962, sarta dina taun 1988 diangkat jadi Guru Besar.
Nyekel pingpinan fakultas jadi Pembantu Dekan (196-1968-1969-1970),jeung jadi Dekan FKSS (1977-1978).Lian ti eta nyangking pingpinan Proyek Panalungtikan Basa jeung Sastra Indonesia Daerah di Jawa barat.Departemen P&K (1976/77-1978/79),jeung jadi Ketua Umum Paguyuban Pangarang Sastra Sunda(1975-1978).
Nulis sajak (aya nu geus dibukukeun dina Nu Mahal ti batan Inten,1980),carita pondok (aya nu geus dibukukeun dina Di Luhureun Jukut Reumis,1965,Jajaten Ninggang Papasten, 1988,nu dileler hadiah sastra Rancage,1989), drama(umpamana "Hutbah Munggaran di Pajajaran" 1965 ; Perwatasari",1967), carita barudak(umpamana Menempuh Jalan Sendiri,1975), esey,jeung hasil panalungtikan ngeunaan basa,sastra,katut pangajaranana.
Jadi anggota Panitia Tarjamah Al'Quran dina basa Sunda (1974-1978),jeung anggota Panitia Tafsir Al-Quran dina basa Sunda(ti mimiti 1980). Munggah haji ka Tanah Suci dina taun 1992). Tina : Panyungsi Basa Beunang, Prof. DR. Yus Rusyana. Rahmat Cijulang - Bandung 1990.
No comments:
Post a Comment
Note: only a member of this blog may post a comment.