Dongeng Sunda Akal Sakadang Peucang

 Dongeng Sunda Akal Sakadang Peucang

Kancil : "Keur naon Sakadang Monyet,Sakadang Mencek ? Ngaharuleng kawas nu susah ?

Mencek : "Teu kaharti ku Sakadang Buaya. Hawek beakeun ku sorangan.Ku naon urang teu meunang nginum di walungan ?
Teu kawas Sakadang Banteng.Ari keur kurang cai,manehna mah tara nginum. Asal urang nu laleutik kabagian saeutik sewang."

Kancil : "Apan banteng mah pamingpin urang. Kudu kitu ari pamingpin mah. Mikirkeun raya heula."

Keur kitu jol Gagak.

Gagak :"Heh,dulur-dulur! Di sawah,deukeut saung Pa Tani,aya gentong. Dieusi cai. Tapi teu pinuh.Kuring nyoba rek nginum. Tapi pamatuk kuring teu nepi kana cai.

Monyet : "Yu urang ka ditu sarerea. Kuring mah geus meh teu kuat nahan hanaang."

Mencek : "Aya cai ge taya gunana. Hulu kuring mah teu asup kana liang gentong."

Monyet :"Liangna leutik. Ayeuna mah urang gulingkeun bae gentongna.
Dimana caina kaluar,urang nginum.Saseubeuhna.

Kancil :"Salah kitu mah. Lamun cainabahe,tangtu nyerep ka jero taneuh. Moal bisa diinum."

Mencek : "kKudu kumaha atuh?"

Kancil : "Kudu ngagunakeun akal."

Gagak :"Kumaha akalna."

Kancil : "Geura ngumpulkeun batu. Batu laleutik bae. Sing loba. Tuluy abuskeun ka jero gentong." Omongan Kancil diturut ku Gagak,Monyet jeung Mencek.

Kancil :"geura ngumpulkeun batu,Batu laleutik bae. Tuluy abuskeun ka jero gentong."

Omongan Kancil diturut ku Gagak,Monyet jeung mencek.
Bener bae,cai na gentong naek. geus kitu mah tuluy sarerea ngarinum. Siligenti. Tina Nani Resep Maca jilid.3 Bukunya dijual Disini >>





DIJUAL BUKU-BUKU KUNO / LAMA ... !!!

---

---

Dongeng Sunda Ujang Kusen

CONTO KOLOT NU TEU NYAAH KA ANAK

Upama kubapana dibengisan Ujang Kusen sok ulas-iles,dua tilu peuting tara daek balik ka imah.

Atuh kudu ger Haji Samsudin nitah neangan ngubek ka unggal lembur,da ari acan jol mah datang,indungna tara repeh ceurik,kawantu anak pangsujudan (anak anu paling dipikanyaah).

Estuning Ujang Kusen teh matak ngajuwetkeun pikir kolot sa-umur-umur,geus puguh keur orok keneh ngingetkeun kageuleuh,teu ngingetkeun kacape,ku kituna nyaah ka anak.

Keur sare tibra kudu hudang,da anak ceurik hayang nyusu, keur dahar remen ditunda,diselang heula nyecewokan. Geus puguh mun anak gering,indung kurang sare kurang dahar, katambah ku rempan pikir,sieun budak pondok umur. 
Tah sakitu karipuhan indung miara anak teh.

Ari ieu nepi ka sakitu gedena masih keneh matak pusing, beunang oge disebutkeun teu aya timbangan ka kolot, kilangbara mulang tarima.

Tapi dalah dikumaha da asalna mah Ujang Kusen teh budak pibageureun pisan,ngan geus kitu bae dihin pinasti anyar pinanggih,teu kuhanteu lantaran meunang kanyeri ti pamajikan,tungtungna kitu adatna. Ngan salahna manehna teh teu bisa nahan kasabaran,rek ngubaran kanyeri ku kagorengan
rek ngagantian cilaka ku picilakaeun,atuh tutup lobang gali lobang. Ari mistina kudu sabar dina keur nandangan balai,kudu pasrah ka Anu Murba ka diri,tangtu engke dibales kangeunahan. BACA SELANJUTNYA >>

Tina:Baruang ka nu ngora.

Karangan:D.K. Ardiwinata

DIJUAL BUKU-BUKU KUNO / LAMA ... !!!

---

---