Kumpulan Bodor Sunda - Ngali Lombang

NGALI LOMBANG

"Keur ngadamel naon kang ?"
"Keur ngali lombang."
"Anggoeun naon kang lombang?"
"Keur melak cau".
"Anggoeun naon kang cau?"
"Keur dahareun."
"Kutan dahaeun ? Ngarah naon kang?"
"Ngarah aya tanaga."
"Keur naon tanaga kang?"
"Keur ngali lombang".

ERLOJI  (JAM TANGAN)

+ "Bapa,ceuk mang Kardi kop bae cenah tilu perak satengah jeung rantena." omong budak  ka  bapana.

- " Naon Ujang ... ? jawabna.

+ Monyet ...!!!

- "His ari sugan teh erloji."

DIJUAL BUKU-BUKU KUNO / LAMA ... !!!

---

---

Bobodoran Sunda - Bobogohan

NU BOGOH NOGENCANG

Ki Darhim teh geus lila bobogohan jeung Nyi Asnah,malah ka sobat-sobatna mah geus wawadul,yen rek kawin panen hareup. 

Tapi puguh bogoh nogencang,aya basa:kanyere ka pipir-pipir.Atuh ari prak teh kalah ka ditikah ku nu sejen. 

Dina hiji mangsa,Darhim ditanya ku sobatna:„Naha Him,Nyi Asnah teh geuning dikawin ku batur,lain kabogoh silaing?" 

Tina ngarasa era tur susah pijawabeun,pok Ki Darhim nembal:„Hanjakal euy,sakitu geulisna teh teu bisa nyambel-nyambel acan."

BLEK KOSONG

+ Naha kolot-kolot siga budak,maledogan blek kosong di buruan batur ...?" 
  "Budak mah tara boga akal kieu"
  "Ngarah naon atuh ...?

* Ngarah kadengeeun ku nu keur dalahar di jero,sugan we ngajak."

DIJUAL BUKU-BUKU KUNO / LAMA ... !!!

---

---

Bobodoran Sunda - Manuk Beo

FILM INDONESIA TEMPO DULU

NU DIBERE BEO KU SOBATNA
Ku tina dusunna,teu nyahoeun yen beo teh manuk ingueun, ngan tuluy bae eta beo teh dipeuncit,dipanggang sarta sanggeus asak didahar ku manehna, ngeunaheun pisan. 

Heuleut sabulan papanggih deui jeung sobatna. Sobatna: „Kumaha euy, resep kana beo teh?" 

Walonna: „Puguh raos pisan, dagingna dipang-gang teh gajihna ngucur, didaharna jeung kecap." Sobat: „Aeh-aeh, baruk dipanggang, kapan eta teh lucu pisan, bisa ngomong, naha make dipeuncit?" 

Walonna: „Geuning basa keur dipeuncit teu daekeun ngomong nanaon."

DIJUAL BUKU-BUKU KUNO / LAMA ... !!!

---

---

Bobodoran Sunda - Tukang Nguseup Gede Bohong

TUKANG NGUSEUP GEDE BOHONG 
Si Asbun tukang nguseup di laut, lamun carita tara kaelehkeun ku batur. Dina hiji poe tukang-tukang nguseup keur ngaromong jeung batur-baturna bari dariuk di basisir, nyaritakeun bab untungna nguseup, disanggut ku lauk nu galede. 

Barang si Asbun ngadengekeun nu keur nyaritakeun lauk gede, tuluy milu nyarita:
„Bulan tukang dewek mah nguseup teh di totogan muara Cimandiri, disanggut ku lauk nu panggede-gedena di saantero dunya, tuluy ku dewek ditataran nepi ka cacap tali useupna, tuluy parahu dewek digugusur ku lauk, lempeng dibawa ngulon meunang opat poe-opat peuting. Teu lila nepi ka sisi langit, tuh itu nu bodas keneh, nya eta langit ngora, parahu dewek antel kana langit ngora, tuluy ku dewek dicewol langit ngora teh,ari diasaan teh bet ngeunah euy, rasana asa ager."

DIJUAL BUKU-BUKU KUNO / LAMA ... !!!

---

---

Bobodoran Sunda - Nyandung

POLISI DESA TEMPO DULU

NU NYANDUNG 
Aya lurah badami jeung hiji dukun, sangkan manehna bisa nyandung. Barang lurah gering, nyi lurah menta tamba ka eta dukun, ari cek dukun, lurah teh kudu nyandung ka nyi Alti. 

Lurah api-api ngambek, tapi cek nyi lurah kudu diturut, supaya cageur. 

Lila-lila nyi lurah keuheuleun, nitah nyerahkeun nu ngora. 
Jawab lurah: „Ulah waka, bisi akang gering deui."

BOBODORAN SUNDA HAJI AHMAD BALIK TI MEKAH klik nu ieu ...
BOBODORAN SUNDA KI LEBE klik nu ieu ...

PANANYA ANEH

"Ema basa kuring keur leutik keneh,geus ngarasa tikunclung
  ka sumur ."
"Henteu terus maot ... ?"

DIJUAL BUKU-BUKU KUNO / LAMA ... !!!

---

---

Bobodoran Sunda - Haji Ahmad Balik Ti Mekah

HAJI AHMAD BALIK TI MEKAH

Haji Ahmad karek datang ti Mekah,Barang manehna keur ulin di Batawi,nenjo nu dagang dalima.

Ku sabab manehna hayang kapuji bisa basa Arab jeung Malayu,pok nanyakeun hargana dua dalima,bari kuwas-kuwes cetaan cara bangsa Arab.

Dumadakan eta dalima teu sarua gedena, omongna: „Bang, berapa harganya delima rok' ata eini? 

Jawab tukang dagang: „Dalapan sen." 
Haji Ahmad: „Masa dalapan sen,muhalapatu dengan ini,"
bari nunjuk kanu leutik.

 

SALAH SANGKA

+ " Pamajikan,pamajikan,geuwat sadiakeun papakean anu bersih"
- " Na rek ka mana ..?
+ " Rek Ka masjid"
- " Rek naon ka masjid,tara-tara ti sasari..?"
+ " Rek maok sendal."

DIJUAL BUKU-BUKU KUNO / LAMA ... !!!

---

---

Bobodoran Sunda - Ki Lebe

KI LEBE

Ki Lebe nganjang ka kampung, pohara dihormatna teh, estuning kocopok keok teh saenyana. Teu kungsi lila dek dahar ngariung jeung pri-bumi, pohara peryogana teh, lauk rupa-rupa, kawantu beunang ngahaja. 

Tapi ki Lebe dina waktu dahar teu weleh-weleh ngageremet, sabab nenjo peuteuy di goah, ku pribumi teu disuguhkeun.

Dumadakan hol bae aya ucing nyampeurkeun ka ki Lebe bari disada eong-eongan, atuh ki Lebe teh asa manggih jalan, pokna: „Eong-eong mata sia! Kadelehna aing teh nyatu jeung peuteuy?"

SORA DULAG 
Ujang Oko jeung pamajikanana ngaran Nyi Piti keur ngaralong di tepas, nyaritakeun sora dulag, duanana pada ngarandung maksud, ngan henteu kedal anu saenyana. 
Nyi Piti: „Kang Oko eta mah dulag Cigombong ku matak waas sorana teh, mani puger! puger! cenah." 
Ujang Oko: „Komo dulag Ciawi mah, teu kabedag! teu kabedag! cenah.

DIJUAL BUKU-BUKU KUNO / LAMA ... !!!

---

---

Kumpulan Bobodoran Sunda - Ngerakeun

" MOJANG PRIANGAN "

BINGUNG 
„Nyi, basa Nyai keur euweuh di imah,ka bapa aya nu nanyaan,duaan pisan,ari nu hiji ngora,kasep tapi miskin,anu hiji deui rada kolot,rada bopeng,rada suwing,tapi beunghar,ayeuna pek ku Nyai pilih, da Nyai teh geus gede."

Si Nyai teu nembal,ngahuleng kira-kira tilu jam mah, singhoreng mikir mani uleng. Pok ngomong: „Ayeuna  mah bapa jadikeun bae,tapi duanana we sakalian tong dihiji-hiji kagok bolong." 

Tina:Landong Baeud.Kumpulan Lulucon.1986.

Pustaka Karsa Sunda.

"DOGER MONYET JAMAN WALANDA"

NGERAKEUN 
Dina jero komedi kuda, hiji budak lalajo, ngarendeng jeung indunga, jebul hiji monyet diuk dina kakaretaan ditarik ku anjing.
Budak nangtung, bari surak: „Hurseh! Ma, itu anu diasuh dina kareta,anu kudana anjing, jiga bapa."

Tina:Landong Baeud.Kumpulan Lulucon.1986.

Pustaka Karsa Sunda.

DIJUAL BUKU-BUKU KUNO / LAMA ... !!!

---

---

Kumpulan Bobodoran Sunda Kopeah Ragrag

" PASANTREN JAMAN BAHEULA "

Aya tukang tani teu wudu cukup,boga sawah tilu luwuk, kebon opat tempat. Manehna boga anak lalaki hiji, ngaranna si Surup, tapi teuing ku bodo, ngala ka indung bapa na.

Geus gede ku bapana dititah masantren; mimitina mugen bae, tapi tina dipaksa nya puruneun oge. Dina poe Salasa Paing, anakna indit rek masantren tea,dibekelan lima perak ku bapana. Gancangna si Surup geus datang ka pasantren, malah geus diperenahkeun.

Dina hiji poe wanci asar, si Surup nanya ka ajengan, pokna: „Dupi doa salamet kumaha?" „Heug engke diterangkeun bareng jeung batur," jawab ajengan. „Sanes kitu bade naroskeun ieu bae atuh; kumaha upami urang keur shalat, kopeh  ragrag, kenging dicokot?" „Teu meunang, susul bae sabeunang-beunagna ku sirah.

Ayeuna mah teang bae batur, urang shalat kituh!" Si Surup indit neang baturna, sarta tuluy sharalat. Ari si Surup salatna teh tukangeun pisan ajengan. Barang keur tungkul, kopeah kadupak lalay, atuh ragrag, tuluy sujud, bari nyusul kopeah ku sirahna, nepi ka susuludukan, keuna ka ajengan, atuh ebat ajengan teh.

Ajengan malik: "Kunaon maneh teh surup owah?"
"Ongkoh saur ajengan,lamun kopeah ragrag,susul ku sirah.
Ajengan teu nembal,tuluy usalli deui. 

Tina:Landong Baeud.Kumpulan Lulucon.1986.

Pustaka Karsa Sunda.

DIJUAL BUKU-BUKU KUNO / LAMA ... !!!

---

---

Kumpulan Bodoboran Sunda - Rek Malidkeun Maneh

REK MALIDKEUN MANEH

Si Istan diusir ku pamajikanana,lantaran ngedul tara daek ngala suluh,ari sangu mah kudu asak,cenah. 

„Aaah,"cek si Istan bari humandeuar,„Naha kira-kirana luas,maneh ditinggalkeun ku kami?"„Teu luas ku naon? Barina oge maneh aya di dieu teh matak heurin bae. Hayoh aing serahkeun! Serahkeun! Aing teh geus euweuh duriaaaat!"

„Aeh,aeh,"cek si Istan.„Geuning tuluy ngambek,da aing oge geus euweuh kasukaan ka sia teh. Jeung deui entong ngarep-ngarep bisa panggih deui,lantaran aing ayeuna rek malidkeun maneh." 

Leos si Istan indit bari ngusap birit,maksudna rek malidkeun maneh tea. Barang datang ka walungan, caina nyampak gede. Ngan tuluy bae manehna cinutrung sisi cai. Sihoreng pamajikanana oge harita teh nuturkeun,da sieun enya rek malidkeun maneh. 

Barang geus kitu mah,terus bae ku pamajikanana digeunggeureuhkeun,pokna:,Euy,nu nyanghareup ka ditu,nu nukang ka dieu,lain rek malidkeun maneh?" 

Si Istan malik bari ngadilak,omongna: "Lah loba teuing omong,na teu ka deuleu caina gede?
DONGENG SI KABAYAN GEDE AMBEK klik nu ieu ...

Tina:Landong Baeud.Kumpulan Lulucon.1986.

Pustaka Karsa Sunda.

DIJUAL BUKU-BUKU KUNO / LAMA ... !!!

---

---

Bobodoran Sunda " Beregejed "

TENTARA BELANDA DI JLN BRAGA

BEREGEJED.
Dina hiji poe panglima rek mariksa kabersihan di salah sahiji asrama militer. Puguh bae sakabeh pangeusi asrama pohara tagiwurna,lantaran jaman harita mah kabersihan teh kurang diperhatikeun. Atuh sadatangna beja yen panglima rek datang mariksa,sakabeh pangeusi asrama obyag digarawe. Aya anu sarasapu,aya nu ngalapur tembok jeung sajabana.

Kocapkeun panglima anu pangkatna Brigadir Jenderal teh datang dikawal ku sababaraha Jip militer. Terus bae mariksa unggal kamar. Waktu panglima rek mariksa WC,dijajalaneun papaliwat jeung saurang calon prajurit.
Atuh puguh bae si calon prajurit reuwaseunana,lantaran kakara pisan panggih jeung panglima.

"Aduh,kudu kumaha aing ngomong,mangka panglima teh pangkatna Brigadir Jendral,kudu kumaha ngahormatna?" gerentes hate si calon prajurit.

Beuku deukeut beuki rampang-reumpeung si calon prajurit teh. Maneha uleng mikir kumaha pipokkeun ngahormat ka Brigadir Jendral. Ari ka Mayor atawa ka Letnan mah geus bisa sapopoe, " Selamat siang Yor!" atawa Selamat sore Let!". Ari ieu ka Brigadir Jendral naon singkatanana. Ari rek disingkat "Selamat siang Brig!" asa ngewa. Ari dipanjangkeun "Selamet siang Brigadir jendral!" asa kurang merenah.

Lantaran geus deukeut tea,tungtungna mah si calon prajurit teh ngahormat sakacuam-cuam "Selamat siang Beregejed!" cenah. Maksudna mah Beregejed teh singkatan tina Brigadir Jendral.
Nu dihormat seuri bari unggut-unggutan.
HEUREUY BANDUNG - Nguseup Klik di dieu

DIJUAL BUKU-BUKU KUNO / LAMA ... !!!

---

---

Bobodoran Sunda " Tentara Gurka "

TENTARA BELANDA DI BATAVIA

JAMAN GURKA.
Jaman Bandung Lautan Api baheula,di Bandung teh loba tentara gurka. Ari Gurka teh tentara Inggris,tapi loba diantarana turunan India,nu matak loba nu ngagem agama Islam.

Harita aya tentara urang rek solat. Tapi barang srog ka hiji masjid,kasampak aya tentara Gurka keur wudu. Atuh puguh bae reuwaseun mah. Ngan sakilat bedil dikokang,terus diasongkeun ka musuh. Kitu deui tentara Gurka oge eureun wuduna ngarawel bedil anu disarandekeun kana bilik masjid.
Duanana silih polotot bari masing-masing nyogokeun bedil geus dikokang.

Ari tentara urang mikir yen Si Gurka nu ieu mah Islam da kaciri keur wudu rek solat. Meureun ari Islam sasama Islam mah babaturan,komo sarua papada rek solat mah. Musuh soteh lamun dipeperangan. Terus bae ditanya,nanyana make bahasa Inggris.
"Are you Muslim?" ceuk tentara urang.
"Yes,I'am  ceuk Si Gurka unggeuk .

Waktu rek nyarita ulah silih tembak,tentara urang teu nyahoeun basa Inggrisna. Tentara urang ngomong deui "you and me muslim,DEREDED DEREDED no !" ceuk tentara urang bari pepeta jiga nu keur nembak. Maksudna mah lantaran papada Islam jadi ulah silih tembak. 
Bobodoran Sunda klik di dieu ... 
Bobodoran Sunda klik di dieu...

DIJUAL BUKU-BUKU KUNO / LAMA ... !!!

---

---

Bobodoran Sunda " Nguseup "

NGUSEUP

Aya nu lolong rek nguseup di walungan. Ari useupna beda ti batur,ieu mah useup golong make mamarit sagala.
atuh eupanna oge ngahaja eupan colek meunang nyieun tina galendo.

Sanggeus kaperluan sayagi,kencling bae indit muru walungan di sisi lembur. Sanggeus dieupanan,lung dialungkeun. Bakat ku tarik ngalungkeunana,eta useup teh meuntasan walungan ngait kana tangkal harendong.

Ari anu lolong tea apan sok tekun. Sangkilang useupna ngait kana harendong oge,ditungguan bae nepi ka buritna.

Keur kitu lar aya tukang asin. Nempo anu nguseup ti tadi can nyorang,tukang asin ningalikeun tikajauhan. Mimitina beungeut nu nguseupdipencrong. Terus ditempo dipapay kenurna nepi ka peuntas kana tangkal harendong.

"Atuh masing nepi ka isuk oge moal nyorang-nyorang da useupna henteu nganclom kana cai," gerentes tukang asin bari ngecagkeun tanggungannana. Terus kurah-keroh kanu jero tolombong jiga aya nu diteangan. Geus kitu terus muru tangkal harendong ngudar useup anu ngait.

Sabada ngaitkeun "asin peda" kana eta useup,terus kenurna dikenyed-kenyed. Puguh bae atoh anu nguseup teh. Barang useupna dipecatkeun,ana gep kana lauk,pelengseng bau asin.

"Bae ah peda ge," ceuk menehna bari bus eta peda teh diasupkeun kana korangna

DIJUAL BUKU-BUKU KUNO / LAMA ... !!!

---

---