Buku SUnda Nani Resep Maca jilid 3

                 

NANI RESEP MACA JILID 3.1984

 

Edah,batur sasakola nani,kabitaeun ku boneka Beben. Edah dipanggihkeun ku bapana. Boneka siga nu Beben. 
Ku bapana dingaranan Si Bageur jeung Si Rajin. Tapi ku Edah diganti Dedi jeung Ucu. Da sagala rupana sarua pisan jeung boneka Beben. Ngomongna oge sarua.
Tapi hanjakal.Sanggeus boga boneka poho kana diajar. Kana memesan tempat tidur bapana oge poho. Pikiranana kana boneka bae.
Ceuk bapana, " Ulah poho kana diajar. Ulah poho kana beberesih di imah. Ulin perelu,di ajar kudu.Kudu bisa ngatur waktu."
Tapi omongna bapana teu dipirosea.ahirna teu naek.

Edah mindeng ceurik.Isineun teu naek kelas.
Ceuk bapana. " Edah teh diuji ku bapa. Edah mah teu kaop boga cocooan alus atawa anyar. Sok tuluy kamalinaan. Poho sagala rupa. Mun digeuing ku bapa,teu daek ngagugu. Pun ayeuna karasa balukarna.Edah sorangan anu ngarasa,anu era.
Yeuh,Bapa boga guguritan. Meunang nyieun tadi peuting.
Apalkeun 

          KINANTI

1. Edah teh isin ku batur,
   numawi gawe ngan ceurik,
   margi henteu naek kelas,
   barang gaduh Ucu Dedi,
   gawe ngan anjang-anjangan,
   diajar kaluli-luli

2. Mun Bapanuju miwuruk,
   Edah sok nutupan ceuli,
   Malah sok ambek-ambekan,
   gara-gara Ucu Dedi,
   nepi ka teu naek kelas,
   isinna kawanti-wanti.

3. Duh,Bapa,Edah kaduhung,
   bongan gawe teh ngan ulin,
   teu inget kana diajar,
   Taya siang taya wengi,
   teu nurut kana piwejang
   duh,bapa,hapunten abdi.

                   Tina:Nani resep Maca 3.1984.




DIJUAL BUKU-BUKU KUNO / LAMA ... !!!

---

---

Buku Bahasa Sunda Tempo Doeloe " Nani Resep Maca ka 3 " - Kabebenjokeun

  

BUKU BAHASA SUNDA NANI RESEP MACA

KABEBENJOKEUN

Hasan,lanceuk Beben tea,geus pindah ka Palembang. beben mindeng ngaheruk. ingetan ka Hasan.
Beben boga deui lanceuk,awewe.Cicingna di kebonpisang.
Ku lanceukna Beben diupahan.Dibere boneka dua.
Boneka nu bisa nyarita jeung kucap-kiceup.

Meunang meuli ti toko koperasi kebonpisang.Beben resepeun pisan kana eta boneka teh.
Ku Beben dingaranan. Nu hiji Dedi. Nu hiji deui Ucu. Da lucu pisan ceuk Beben.

Boneka teh sok ditimang-timang bae ku Beben. Diusapan,diciuman. Asa boga adi cenah.
Beben,bareto mah,ari sare kudu jeung apana bae. Beben apet pisan ka apana. Ari teu aya apana tara sok ceurik. Sok neangan. Tapi ayeuna mah teu kitu. Ari teu aya apana,tara ceurik,tara neangan. Da geus boga batur.Boneka tea.
Sarena jeung bonekana. malah sok ceurik,upama diheureuyan ku apana,Ucu jeung Dedi disumputkeun. Atawa ku apana dibobodo, Ucu rek dibikeun ka batur,Dedi rek dibawa ka Jakarta ku bibina. 

Lanceuk Beben atoheun,beben kabebenjokeun. Teu ingeteun teuing ka Hasan.
Ceuk beben,bonekana rek disakolakeun. Rek nurutan Ceu Eem,cenah. Bonekana disakolakeun. Ayeuna geus pinter. Ari diajak ngomong sok ngajawab," ia,ia,e,ia." Kitu soteh ari dipencet. Ari teu dipencet mah cicing bae.

     Tina:Nani Resep Maca jilid 3. Penerbit PamugarBandung.1983

DIJUAL BUKU-BUKU KUNO / LAMA ... !!!

---

---

Buku Pelajaran Bahasa Sunda Tempo Doeloe " Nani Resep Maca ka 1

BUKU BAHASA SUNDA NANI RESEP MACA

               BUKU NANI RESEP MACA JILID-1

Nu dianggo dina ieu buku metode " kupas rangkai suku kata " luyu sareng sifat engang kecap-kecap basa Sunda.

Dina buku kahiji sadaya aksara parantos diajarkeun mung teu acan " maeh aksara " ,nanging ngahaja diseueuran bahan aosananan (jilid kahiji 68 kaca,jilid kadua 48 kaca) supados barudak leres-leres tenget heula kana aksara. Buku kahiji tiasa tamatdinalebet 3-4 sasih.
  
  Dina buku kadua nembe diajarkeun :
  a. maeh aksara (batu-batur,peda-pedang).
  b. aksara paeh ganda (tr,bl,sste) sapertos dina kecap  
     putri,ngageblug,semplak sste.
  c. aksara ageung.

Buku katilu dimaksad kanggo ngalancarkeun maca.Upami tea mah aya barudak-anu kapaksa ku kaayaan mung dugi ka kelas hiji bae sakolana,manehna teh ulah dongkap ka jadi buta aksara deui kumargi tadina kana aksara nembe taram-taram bae,teu acan tenget pisan.

Jabi ti eta,di kelas dua mah barudak kedah parantos lancar pisan macana,supados gampil ngartos kana eusi bacaan. Ku sabrehan ningal papan merek bari ngaboseh sapeda upamina, barudak teh kedah parantos tiasa maca eusina.

Mugi-mugi ku nganggo ieu metode tiasa kahontal tujuan pangajaran maca sakumahana anu kasebat tadi.
Bandung,1 Juni 1984.
            

 Baktos nu ngarang : A.Sanusi 

     

DIJUAL BUKU-BUKU KUNO / LAMA ... !!!

---

---